10. febrúar 2009

Ég er frjáls!

Gerði mér lítið fyrir og strokaði mig út af Facebook. Ég held að fésbókin sé eins og lyngormur og muni vaxa í einhverja gróteska mynd og nærast á notendum.  Ég er mjög glöð yfir frelsistilfinningunni sem “de-activate” veitir einni konu!

7 ummæli við “Ég er frjáls!”

  1. Form ICBS ritar:

    Hvílíkt feigðarflan! Veit hún ekki í hvaða vefjum dauðans þær konur lenda sem loka á eftir sér dyrum facebook.com?

  2. hildigunnur ritar:

    Sko þig!

    Þetta gerði ég reyndar einu sinni líka, fékk ógeð - en svo féll ég ;)

  3. Harpa J ritar:

    Gott hjá þér!
    Ég held að andlitsbókin sé reyndar ansi varasöm, en hangi þar inni væntanlega eitthvað lengur.

  4. Einar ritar:

    Ath, það er ekki hægt að hætta á fb - á morgun koma stórir og skuggalegir menn með niðurdregin hattbörð og eiga við þig samtal

  5. Vilborg D, ritar:

    Snjáldurskræðan er líka gott nafn sem ég heyrði um daginn. Ég hef ekki þorað þar inn og enn síður eftir þennan lestur!

  6. guðrún ritar:

    það er bara tímaþjófur og forvitni að vera á fb.

  7. Harpa ritar:

    Vilborg: Það er álíka auðvelt og að útskrifast úr Svartaskóla að komast með skuggann sinn af fésbókinni.!

    Einar: Það eru hér tveir menn, ekki mjög skuggalegir og vilja ekki tala mikið við mig. Þeir líkjast tréiðnaðarmönnum meir en FBI.