25. ágúst 2009

Jess!!! Ættarsagan mikla er komin í hús!

Ein mynd segir meira en þúsund orð og tvær myndir ættu því að vera á við tvö þúsund orða færslu …  Litlu myndirnar krækja í aðrar flennistórar af rígmontnum höfundi!

Þetta prjódjekt er meir en 10+, mælt í lopapeysum!  Að sjálfsögðu er gripurinn ekki ókeypis en skipaðir áskrifendur fá kostnaðaryfirlit og rukkun í tölvupósti. Svo reikna ég með því að þá áskrifandi er orðinn áttræður safni hann öllum sínum afkomendum saman og tilkynni hvaða uppáhaldserfingi fái Ættarsöguna miklu …

Ættarsagan smærri verður helmingi ódýrari en hún verður ekki í eins flottu broti og bandi og þessi stóra. (Markhópurinn hennar er sennilega með lægri tekjur en markhópur Ættarsögunnar miklu.)

Eiginlega ætti ég að halda námskeið í hvernig maður snuðrar á vef og hvernig hægt er setja saman flott ættarrit, í ýmsu formi.

Rögnu bók fer í póst á morgun - reynt verður að koma hinum til skila í vikulok - um ákv. ráðuneyti þar sem fólk hefur tíma til að taka á móti pökkum til dreifingar.

6 ummæli við “Jess!!! Ættarsagan mikla er komin í hús!”

  1. freyja systir ritar:

    Eru bara myndir af Rögnu í bókinni? Ég sé nefnilega að á þessari opnu sem þú sýnir er klassíkerinn “Ragna á koppnum” og gott ef ekki líka “Ragna að borða fisk”.

    Ég hlakka mikið til að fá mitt eintak.

  2. Harpa ritar:

    Nei, Freyja, það er haugur af myndum af þér af því þú varst (ert?) svo sæt. Sennilega flestar af þér … eða kannski Einari.

    Auðvitað sýni ég klassískustu myndirnar á montmyndunum ;)

  3. guðrún ritar:

    BÍÐ SPENNT!

  4. Ragna ritar:

    Þurfti endilega að setja mynd af mér á koppnum í bókina?

  5. Harpa ritar:

    Ragna: Megnið af kennarastofu FVA hefur lýst því yfir hvað þú sért kjút á þessum myndum ;) (Allavega einhverjir…)

  6. Harpa ritar:

    Kannski er rétt að geta þess að í ÆM eru fjórar staðreyndavillur (til þess að gera saklausar). Nú skora ég á eigendur ÆM að finna þessar villur fyrir jól! Bannað er að spurja tengdafólk ættarinnar og svindla sér þannig áfram.

    Ennfremur rétt að geta þess að ég leiðrétti villurnar í Ættarsögunni smærri svo sögufróðir ættingjar sem voru jafnvel uppi þá geta ekki hankað mig :)